كل لاعب يحصل على 10 بطاقات حروف (6 زرقاء = نقطتين للحرف، و4 حمراء = 4 نقاط للحرف)، بالإضافة إلى 6 بطاقات أساس، و3 بطاقات فئات أمامه.
كل فئة إلها حرف أساس لازم تبدأ فيه الكلمة. لتاخد نقاطها، لازم يكون عندك حرف الأساس مع الحرف العادي نفسه. فيك تحط الكلمة عالطاولة قبل ما يوصلك حرف الأساس، بس نقاطها بتضل معلّقة لحتى تلاقي حرف الأساس.
وبنفس الدورة، فيك تحط حروف بأي من فئاتك التلاتة من دون ما تخلّصهن كلهن — يعني فيك تبلّش أو تكمّل أكتر من فئة بنفس الوقت.
كل كلمة تخلّصها بفئة بتاخد نقاطها، وبتشيل بطاقة هالفئة وتحط وحدة جديدة بدالها، لحتى يضل عندك دايمًا 3 فئات.
تكوين كلمة — استعمل حروفك لتبني أو تكمّل كلمة، وبعد ما تخلّصها احسب نقاطها وعوّض الحروف يلي استعملتها.
تغيير الحروف — إذا ما قدرت تكوّن ولا كلمة وما استعملت ولا حرف، فيك تغيّر حروفك العادية، أو حروف الأساس، أو الاثنين معًا؛ بس دورك بينتهي فورًا بعد التغيير.
ملاحظة: بعد ما تستعمل أي حرف بدورك، ما عاد فيك تغيّر الباقي. وبآخر دورك، لازم يضل عندك دايمًا 10 بطاقات حروف و6 حروف أساس — عوّض أي حرف استعملته لتكمّل العدد.
كل كلمة بتخلّصها بتعطيك بطاقة أكشن، وما فيك تستعملها إلا بعد ما تعدّي دورة كاملة عليها:
فيك تبدّل مع اللاعبين قد ما بدك. وإذا عندك 3 بطاقات من نفس الحرف، فيك تستبدلها عآخر الأوراق، وتاخد بطاقات جديدة وتحتفظ بوحدة من الحرف المكرر.
بعد أول دورة كاملة، بيصير عند كل لاعب دقيقتين بس بدوره. ولما تخلص الدقيقتين، ما عاد فيك تحط ولا حرف جديد عالطاولة.
فيك تشيل كلماتك الناقصة عن الطاولة، بس لازم تشيل معها كل حروفك وحروف الأساس وتبدأ من جديد، ويُعتبر دورك ملغى.
حددوا هدف الفوز قبل البدء: 50 نقطة للعبة أقصر، أو 100 نقطة للعبة أطول. أول لاعب يوصل للهدف يفوز باللعبة.